https://innews.az/uploads/news/2025-08/_innews_b84d17d1a06aad0dc269e376a_o.jpg
IDEA İctimai Birliyi ölkəmizin ən böyük gənclər festivalı olan “Yayfest” düşərgəsinin təşkilatçılarından biridir.
Ötən həftə baş tutan “Yayfest 2025”-də IDEA İctimai Birliyinin layihələr üzrə meneceri Ülvi Məmmədov tərəfindən ekoloji maarifləndirməyə həsr olunmuş sessiya keçirilib, iştirakçılarla birlikdə dayanıqlı inkişaf, sağlam dünya və sağlam insanlar üçün gənclərin göstərə biləcəyi xidmətlərin vacibliyi müzakirə olunub.
Təlimin interaktiv hissəsində isə gənclər üçün biliklərin möhkəmləndirilməsi məqsədilə maraqlı ekoloji “kviz” təşkil olunub. Daha sonra "Dünyanın ekoloji problemləri" mövzusunda qrup işi aparılıb və iştirakçılar aktual problemlərin həllinə dair ideyalarını bölüşüblər. Sonda seçilən qalib qruplar hədiyyələrlə təltif olunub.Belə sessiyalar gənclərdə ekoloji düşüncə tərzinin formalaşmasına, dayanıqlı həyat tərzinin mənimsənilməsinə və gələcək nəsillərə daha sağlam bir dünya ötürmək üçün gənclərin birgə təşəbbüslər həyata keçirmələrinə xidmət edir.
