https://innews.az/uploads/news/2025-08/_innews_0111d99feb323c539a59d26a1_o.jpg
Türkiyə Prezidenti Rəcəb Tayyib Ərdoğan, 30 Avqust Zəfər Bayramı münasibətilə yaydığı müraciətində belə deyib:
“Bu zəfər elə böyük bir qələbədir ki, yalnız Türk millətinə deyil, əsarət altında olan bütün məzlum xalqlara ümid olmuş, azadlıq idealının rəmzinə çevrilmişdir.”
Prezident mesajında bu fikirlərə yer verib:
“Tariximizin dönüş nöqtələrindən, qızıl səhifələrindən biri olan 30 Avqust Zəfər Bayramının qürurunu və coşqusunu xalq olaraq bir daha yaşamağın sevincini duyuruq. Bu müqəddəs gün, Türk millətinin azadlıq və müstəqillik uğrunda ortaya qoyduğu misilsiz iradənin, sarsılmaz inamın və qəhrəmanlığın ən güclü nişanələrindən biridir.
Qəhrəman ordumuzun vətən sevgisi, xalqımızın yekdil iradəsi ilə qazanılan Böyük Zəfər əsarət zəncirlərini qıraraq müstəqilliyimizə gedən yolu açmış, Respublikamızın təməli bu misilsiz qələbədən sonra atılmışdır. 30 Avqust yalnız hərbi zəfər deyil; həm də millətimizin yenidən dirilişinin, varoluş mübarizəsinin və əbədi müstəqilliyinin təsdiqidir.”
“Bu millət əsla boyunduruk altına alınmaz, müstəqilliyindən imtina etməz”
Ərdoğan bildirib ki, bu böyük zəfər yalnız Türk millətinə deyil, həm də əsarət altında yaşayan bütün məzlum xalqlara ümid olmuş, müstəqillik idealının simvoluna çevrilmişdir:
“Türk milləti bu zəfərlə bütün dünyaya bir daha elan etdi ki, bu millət əsla boyunduruk altına alınmaz, əsarəti qəbul etməz, müstəqilliyindən güzəştə getməz. Böyük Zəfərin daşıdığı mənəvi məna təkcə tariximizin şanlı bir xatirəsi deyil, eyni zamanda bizə yol göstərən bir bələdçidir. Bu gün bizə düşən ən mühüm vəzifə – 30 Avqustda alovlanan azadlıq məşəlini birlik və həmrəylik içində daha güclü gələcəyə daşımaqdır.
‘Türkiyə Əsri’nde, əcdadımızın qanı və fədakarlıqları bahasına bizə əmanət etdiyi bu vətəni daha güclü, daha firavan bir ölkəyə çevirmək ən böyük borcumuzdur. Bu mənalı gün münasibətilə başda Qazi Mustafa Kamal və silahdaşları olmaqla, vətən uğrunda canını fəda edən müqəddəs şəhidlərimizi rəhmətlə, qəhrəman qazilərimizi isə minnətdarlıqla yad edir, əziz millətimizin 30 Avqust Zəfər Bayramını ən səmimi duyğularla təbrik edirəm.”
