https://innews.az/uploads/news/2025-09/_innews_68b78f90c72a7bbd99bebb90f_o.jpg
Bakı şəhəri təhsil işçilərinin Sentyabr konfransının ikinci günündə fənn müəllimləri ilə müzakirələr keçirilib.
Müzakirələr müxtəlif peşəkar meyarlar əsasında seçilmiş Azərbaycan dili, riyaziyyat və ibtidai sinif müəllimləri ilə reallaşdırılıb.
Ayşən Əhmədova, 113 nömrəli tam orta məktəbin ibtidai sinif müəllimi:
- Yeni tədris ili öncəsi Sentyabr konfransının belə bir formatda - fənn müəllimləri ilə müzakirələrlə davam etdirilməsini yüksək dəyərləndiririk.
Təəssüratım çox yüksək oldu. Məqsədimiz gözəl təşəbbüsləri paylaşmaq, təcrübə mübadiləsi idi. Hər kəs öz tədris metodikasını, dərs keçmə üslubunu paylaşdı, maraqlı təkliflər irəli sürüldü. Bu, inteqrasiya baxımdan hər birimiz üçün faydalı oldu.
Rəqsanə İbrahimova, 58 nömrəli tam orta məktəbin riyaziyyat müəllimi, metodist:
- Çox sevinirəm ki, bu gün riyaziyyat müəllimi kimi Sentyabr konfransı çərçivəsində belə bir müzakirələrin iştirakçısı oldum. Riyaziyyat fənninin tədrisinə dair belə bir tərkibdə fikir mübadiləsi və müzakirələr gələcək fəaliyyətimiz üçün müsbət əhəmiyyət daşıyır. Riyaziyyatçıların fərqli baxış bucaqları var və biz bu gün həmkar olaraq hər kəsin bu fənnin tədrisinə dair fərqli fikir və tövsiyələrini dinlədik, təkliflərimizi verdik.
Əlağa Xudiyev, 30 nömrəli tam orta məktəbin riyaziyyat müəllimi:
-Riyaziyyat müəllimləri ilə növbəti dərs ili ərəfəsində görüş, hesab edirəm ki, hər birimiz üçün faydalı olacaq. Sentyabr konfransı çərçivəsində ilk dəfə belə bir təşəbbüsün reallaşdırılmasını müsbət qiymətləndirirəm. Riyaziyyat fənni təhsilimizin lokomatividir və təhsilimizin nailiyyətıəri bu fənnin tədrisindən çox asılıdır. Bu mənada inanıram ki, bu gün müzakirələrdə irəli sürülən təkliflər, qabaqcıl təcrübələrin paylaşılması ümumi işimizə faydalı olacaq.
