https://innews.az/uploads/news/2025-10/_innews_b5e6c0681784c86a7be2a4796_o.jpg
Bakı Dövlət Universiteti (BDU) 8 Noyabr – Zəfər Günü münasibətilə tələbələr arasında “Şanlı Zəfər” mövzusunda esse müsabiqəsi elan edir.
BDU-dan "innews media" bildirilib ki, müsabiqəyə təqdim olunan esselər 2-3 səhifə həcmində, Azərbaycan, rus və ingilis dillərindən birində olmalıdır.
Esselər müəllifin tələbə biletinin fotosurəti ilə birlikdə oktyabrın 31-dək BDU-nun İctimaiyyətlə əlaqələr və informasiya şöbəsinin elektron poçt ünvanına (press-service@bsu.edu.az) göndərilməlidir.
Müsabiqədə yalnız BDU-nun tələbə və magistrantları iştirak edə bilərlər.
Təqdim olunmuş esselər Müsabiqə komissiyası tərəfindən qiymətləndiriləcək və qaliblər təltif ediləcəklər.
Qalib elan edilmiş esselər BDU-nun rəsmi saytı, sosial media hesabları və “Bakı Universiteti” qəzetində dərc olunacaq.
Əlavə məlumat üçün: (+994 50) 408 84 89
e-mail: press-service@bsu.edu.az
