https://innews.az/uploads/news/2025-10/_innews_d3deabf5caecaacfe13245b37_o.jpg
Referans Medical Group və Türkiyənin “Uğur Sağlık Teknolojileri” MMC şirkətinin təşkilatçılığı, Azərbaycan Respublikası Səhiyyə Nazirliyi, Tibbi Ərazi Bölmələrini İdarəetmə Birliyi (TƏBİB), Kiçik və Orta Biznesin İnkişafı Agentliyi (KOBİA) tərəfdaşlığı ilə “Tibbin gələcəyi: İnnovativ texnoloji həllər” adlı elmi konfrans uğurla baş tutub.
Konfransda tibdə innovativ texnologiyaların tətbiqi, süni intellekt əsaslı həllərin inkişafı və beynəlxalq əməkdaşlığın genişləndirilməsi kimi mühüm istiqamətlər müzakirə edilib. Tədbirdə dövlət qurumlarının nümayəndələri, Türkiyə və Azərbaycan səhiyyə mütəxəssisləri iştirak edərək, rəqəmsallaşma və tibbi innovasiyaların gələcək perspektivləri barədə çıxışlar ediblər.
Konfrans çərçivəsində süni intellekt əsaslı reanimasiya sistemləri, VR simulyasiya texnologiyaları, uzaqdan fizioterapiya platformaları və müasir radioloji tətbiqlər təqdim olunub.
Eyni zamanda, Elm və Təhsil Nazirliyinin Yüksək Texnologiyalar Parkı MMC ilə “Uğur Sağlık Teknolojileri Azərbaycan” MMC arasında əməkdaşlıq müqaviləsi imzalanaraq səhiyyə texnologiyalarının inkişafında yeni mərhələnin əsası qoyulub.
Azərbaycan tibbi innovasiyalar və rəqəmsal səhiyyə sahəsində inamla irəliləyərək, sağlam gələcəyin formalaşmasına töhfə verməkdə davam edir.
