https://innews.az/uploads/news/2025-10/_innews_e9e6d52bcaa906ca24885e072_o.jpg
Azərbaycan Mərkəzi Bankının (AMB) sədri Taleh Kazımovun rəhbərlik etdiyi nümayəndə heyəti Vaşinqtonda işgüzar səfər çərçivəsində dünyanın ən iri investisiya şirkətlərindən biri olan “BlackRock”un baş idarəçi direktoru və Qlobal tərəfdaşlar ofisinin həmsədri Coud Abdel Macid ilə görüş keçirib.
Görüş zamanı qlobal maliyyə sistemində son tendensiyalar, Azərbaycanda maliyyə bazarlarında aparılan islahatlar, sektorun inkişaf dinamikası, eləcə də investisiya alətləri və ehtiyatların idarə olunmasının diversifikasiyası kimi məsələlər ətrafında ətraflı fikir mübadiləsi aparılıb.
Tərəflər, həmçinin əməkdaşlıq əlaqələrinin genişləndirilməsi və qarşılıqlı maraq doğuran sahələr üzrə potensial birgə təşəbbüslər barədə müzakirələr aparıblar.
