https://innews.az/uploads/news/2025-11/_innews_7669289aeeaf4512530e90de7_o.jpg
Azərbaycan Dövlət Pedaqoji Universitetinin (ADPU) Şəki filialının rəhbərliyi və əməkdaşları 8 Noyabr – Zəfər Günü münasibətilə ölkəmizin ərazi bütövlüyünün təmin olunması və işğal altında olan torpaqlarımızın azad edilməsi uğrunda gedən 44 günlük Vətən müharibəsində şəhidlik zirvəsinə yüksələn qəhrəmanların ailələrini ziyarət ediblər.
Filialının direktoru dosent Vurğun Məmmədov və bir qrup əməkdaş Vətən müharibəsində igidlik nümayiş etdirərək qəhrəmanlıqla şəhid olan Məmmədiyyə Cabbarzadənin ailəsində olub,şəhidin ruhuna ehtiram və ailə üzvlərinə dərin minnətdarlıqlarını ifadə ediblər.
Filial əməkdaşları tərəfindən həmçinin Vətən müharibəsi şəhidləri – Pənah Məmmədov, Zəfər Surxayzadə, Asif Əhmədov, Orxan Hümmətov və Rizvan Əhmədovun ailəsi ziyarət edilib. Görüşlər zamanı şəhidlərin vətən qarşısında göstərdikləri fədakarlığın unudulmaz olduğu vurğulanıb, ailə üzvləri şəhidlərin həyat hekayəsi və döyüş yolu barədə xatirələrini bölüşüblər.
