https://innews.az/uploads/news/2025-11/_innews_50e5c58238aa4eb0dc437b632_o.jpg
Rəqsanə İsmayılova hansı maddə ilə təqsirli hesab oluna bilər?
Mövzuyla bağlı vəkil Esmira Rzayeva bildirib ki, Rəqsanə İsmayılova xüsusən külli miqdarda dələduzluq ittihamı ilə təqsirləndirilən şəxs qismində saxlanılıb və barəsində istintaq dövrü üçün həbs qətimkan tədbiri seçilib. Rəqsanə İsmayılova Cinayət Məcəlləsinin 178.4-cü maddəsi ilə təqsirli hesab edilərsə, 10-14 il müddəti aralığında azadlıqdan məhrumetmə ilə cəzalandırıla bilər.
Cinayət Məcəlləsinin 178.4-cü maddəsi ilə - xüsusilə külli miqdarda dələduzluq əməli törədilmə ilə təqsiri sübuta yetirildikdə, o, 10 ildən 14 ilədək azadlıqdan məhrum edilə bilər Həmin maddə isə alternativ sanksiyalar nəzərdə tutmur və yalnız 10 ildən 14 ilədək müddətə azadlıqdan məhrumetmə cəzası müəyyən edir. Deməli, ittiham sübuta yetiriləcəyi halda, müğənnini məhz bu müddət aralığında cəza gözləyir və məhkəmə yekun hökmü çıxararkən cinayətin ictimai təhlükəlilik dərəcəsini, vurulan ziyanın miqyasını, eləcə də mövcud yüngülləşdirici və ağırlaşdırıcı halları nəzərə almaqla konkret cəzanı fərdiləşdirəcəkdir.
Əgər dəymiş ziyan tam ödənilərsə, işin bağlanması mümkündürmü?
“Rəqsanə İsmayılova bütün dəymiş ziyanı həmin şəxsə, üstəlik dəymiş ziyanın 50 faizini dövlət büdcəsinə ödəyərsə, bu zaman cinayət işinə xitam verilir. Bu halda barışıq mümkündür. Beləliklə, müğənninin azadlığa çıxması onun dəymiş ziyanı tam şəkildə kompensasiya etməsindən və əlavə ödənişlərdən asılıdır”
Hazırda iş istintaq mərhələsindədir. İstintaq sirrinin yayılması CPM-nin 222.1-ci maddəsinin tələbləri baxımından yolverilməzdir. Həmçinin CPM-nin 222.4-cü maddəsinin tələblərinə əsasən müstəntiq və təhqiqatçı istintaq sirrinin yayılmasının yolverilməzliyi barədə cinayət prosesinin iştirakçılarına xəbərdarlıq edir. Həmin xəbərdarlığın şərtlərini pozan şəxslər qanun qarşısında məsuliyyət daşıyırlar.
Qeyd edək ki, Müğənni Aysun İsmayılova və Yagmur Əmiraslanova anası Rəqsanə İsmayılovanın azadlığa buraxılması üçün Azərbaycan Respublikasının Vəkillər Kollegiyasının üzvlərindən kömək istəyib. Televiziya proqramının aparıcısı isə Aysun İsmayılovaya vəkil Esmira Rzayevanı tövsiyə edib.
