https://innews.az/uploads/news/2025-11/_innews_f138936ab6fba9b5436320427_o.jpg
Avroviziya təmsilçimiz Səmra Rəhimli səhnə şouları və obrazları haqqında danışıb.
"innews media" xəbər verir ki, Səmra bu barədə Pərviz Hüseynin “Pərvizə görə”də proqramında açıqlama verib. O deyib ki, səhnədə özünü kraliça kimi görür:
“Mən səhnədə “Queen” Səmrayam. Səhnədə özüməm, bir az fərqliyəm. Mən artist olmaq istəyəndə səhnədə özümü necə görürəmsə, eləyəm. Əlbəttə hər bir insanın işində göstərdiyi sima başqadır, evində başqa. Səhnədə “Queen” Səmrayam. Tamam başqa enerjidəyəm, səhnəyə çıxanda enerji partlaması olur. Bunu heç nəylə müqayisə edə bilmirəm. Repertuarımda melanxolik mahnılar var. Lakin səhnə üçün enerjili mahnılara üstünlük verirəm. Mənim seçdiyim tərzdəki artist dinamik performans göstərməlidir. Bir nöqtədə əyləşib mahnı ifa etməli deyil. Gözləntim insanlardan deyil, özümdəndir, özüm üçün yaşayıb yaradıram. Fikrimdə olan, səhnədə görmək istədiyim performansı etmişəm, edəcəyəm də. Deməli, hər şeyi etmək olar. Konsertimdə Ukraynadan rəqqaslar gəlmişdi, həmçinin klipimdə də çəkilmişdilər. Bunu da etmişəm, edəcəyəm də. Peşəkar insanlarla çalışıram, həmişə keyfiyyətə qaçıram. Məsələn, “Formula 1”də hər şey mənim xəyal etdiyim, gördüyüm tərzdə idi. Bunlar qısa zaman ərzində ərsəyə gəldi, 10-15 günə hazırlaşdıq. Sırf istədiyim bir şey idi, həmişə fikirləşirdim ki, nə vaxtsa belə bir şey edəcəyəm. Onu reallaşdırdıq, mənim üçün müsbət oldu. Mənim üçün bu bir “challenge” idi, düşünürdüm ki, bu qədər vaxta bunu edə biləcəyəm? Bu qədər vaxtım var, bu rəqsləri öyrənə biləcəyəm? Rəqqasə qızlarla hoteldə bir qalırdıq, gecə-gündüz məşq edirdik. Öz evimdən hotelə köçmüşdüm. Fikirləşirdim ki, bunu bacaracağam? Bacarandan sonra dedim ki, sən hər şey edə bilərsən!”.
