https://innews.az/uploads/news/2025-12/_innews_655006479a349e619f24e3c19_o.jpg
“AzerGold” QSC-nin İdarə Heyətinin sədri Zakir İbrahimov “Nadir İncilər – İpəklə gümüşün harmoniyası” tədbiri çərçivəsində çıxışı zamanı şirkətin fəaliyyətində iqtisadi və texnoloji baxımdan mühüm məqamlara toxunub.
"innews media" xəbər verir ki, Zakir İbrahimovun sözlərinə görə, “AzerGold” QSC 2023-cü ildən etibarən məhsulların hazırlanmasında müasir və alternativ istehsal həlli hesab olunan “Smartminting” texnologiyasının tətbiqinə başlayıb.
Onun sözlərinə görə, numizmatika sahəsində inqilabi yenilik kimi dəyərləndirilən bu texnologiya mürəkkəb dizaynlı sikkələrin üçölçülü formatda istehsalına imkan yaradır. Qeyd olunub ki, bu innovativ üsul Asiya qitəsində ilk dəfə məhz Ulu Öndər Heydər Əliyevin 100 illiyinə həsr olunmuş “100 il və onun fövqündə bir irs” adlı qızıl sikkənin “AzerGold” tərəfindən istehsalında tətbiq edilib.
Şirkət rəhbəri vurğulayıb ki, yeni texnologiyanın tətbiqi həm məhsulların keyfiyyətinin yüksəldilməsinə, həm də Azərbaycan numizmatikasının beynəlxalq bazarda rəqabət qabiliyyətinin artırılmasına xidmət edir.
