https://innews.az/uploads/news/2026-02/_innews_ba00bc6e2ac16626fbfb2358b_o.jpg
Prezidentin BƏƏ-yə səfəri çərçivəsində və səfər zamanı keçirilən görüşlərdə bir çox mühüm məsələ ətrafında geniş və səmərəli fikir mübadiləsi aparılmışdır: Bu gün məmnunluqla qeyd etmək olar ki, BƏƏ ilə Azərbaycan arasında əlaqələr ardıcıl şəkildə inkişaf edir və yeni mərhələyə qədəm qoyur. Biz bu münasibətlərin davamlı olaraq möhkəmləndiyinin şahidiyik. Hazırda bu siyasət ardıcıl və məqsədyönlü şəkildə davam etdirilir. Heç şübhəsiz ki, BƏƏ mədəniyyət nümayəndələrinin ölkəmizə səfəri və keçirilən görüşlər də bu baxımdan xüsusi əhəmiyyət daşıyır. Bu görüşlərin keçirilməsi ümumi məqsəd və hədəflərə söykənir. Eyni zamanda, Əbu-Dabi ilə Azərbaycan şəhərləri arasında qardaşlaşma təşəbbüsünün reallaşması da xüsusi önəm kəsb edir. Bu proses hər iki xalq arasında dostluğun və qarşılıqlı etimadın daha da möhkəmlənməsinə xidmət edir.
Bu əlaqələrin dərinləşməsi və institusional əsasda inkişafı münasibətlərimizin yeni mərhələyə, yeni əməkdaşlıq dövrünə daxil olmasına zəmin yaradacaq: Şəhərlərin qardaşlaşması həm siyasi, həm iqtisadi, həm də mədəni baxımdan böyük əhəmiyyətə malikdir. Bu təşəbbüs hər iki ölkənin maraqlarına xidmət edir, əlaqələrin daha da genişlənməsinə, möhkəmlənməsinə və yeni istiqamətlərdə inkişafına şərait yaradır. Növbəti dövrlərdə biz bu əməkdaşlığın real nəticələrini və müsbət təsirlərini daha aydın şəkildə görəcəyik.
Artıq cənab Prezidentin BƏƏ-yə davamlı səfərlər etməsi əməkdaşlığın strateji xarakter daşıdığını göstərir.
Qarşılıqlı səfərlər intensiv xarakter alıb: "BƏƏ-nin prezidenti artıq bir neçə dəfə Bakıya və Şuşaya səfər edib. Ölkələrimiz arasında investisiyalar genişlənir və qarşılıqlı yatırımlar artır.
Siyasi və mədəni sahələrdə əməkdaşlıqla yanaşı, ölkələr hərbi sahədə də sıx əlaqələr qururlar. Əvvəllər Azərbaycan bu cür birgə hərbi təlimləri Türkiyə ilə keçirirdisə, indi BƏƏ ilə keçirir. Bu təlimlərin həm önəmi, həm də əhəmiyyəti böyükdür. Hər iki dövlət sürətlə inkişaf edir:
Silahlı qüvvələr arasında qurulan bu əməkdaşlıq ölkələr arasında operativ əlaqələri gücləndirir və hər iki ordunun möhkəmlənməsinə töhfə verir. Bu gün Azərbaycan ordusu regionun ən güclü ordularından biridir, BƏƏ ordusu haqqında da eyni sözləri demək mümkündür. Bu əməkdaşlıq münasibətlərin daha da möhkəmlənməsinə xidmət edəcək. Ümumilikdə demək olar ki, Azərbaycan-BƏƏ münasibətləri inkişaf edir, əlaqələr günbəgün güclənir və burada ölkə liderlərinin rolu böyükdür. Bu prosesdə siyasi iradənin həlledici əhəmiyyəti xüsusilə qeyd edilməlidir.
Milli Məclisin deputatı Ceyhun Məmmədov
