Xankəndidə “GəncFest”: 400 gənc zəfər meydanında bir arada

“Gənclər həftəsi” çərçivəsində fevralın 3-də Xankəndi şəhərinin Zəfər meydanında 400-ə yaxın gəncin iştirakı ilə təşkil edilən “GəncFest” müxtəlif fəaliyyətlər və konsert proqramı ilə yadda qalıb.

Konsert proqramında tanınmış müğənni Mətin Hüseynzadə (MadTeen), həmçinin IX “Muğam” televiziya müsabiqəsinin finalçısı, 2025-ci il “İlin gənci” mükafatına layiq görülən Yusif Cəfərbəyli çıxış ediblər.

“GəncFest” çərçivəsində gənclərin Şuşa şəhərinə ekskursiyası da təşkil edilib.