Kollec tələbələri ADPU-da infoturda olublar

Azərbaycan Dövlət Pedaqoji Universitetinin (ADPU) Tədris departamentinin Məzun koordinasiya və karyera şöbəsinin təşkilatçılığı ilə ADNSU-nun nəzdində Sənaye və Texnologiya Kollecinin müəllim və tələbə heyətinin Pedaqoji Universitetin Kitabxana-İnformasiya Mərkəzinə infoturu təşkil edilib. Ekskursiyanın əsas məqsədi tələbələrin elmi kitabxana mühiti ilə yaxından tanış olması, müasir informasiya resursları, elektron kataloq sistemi və kitabxananın təhsil prosesindəki rolu haqqında geniş məlumat əldə etmələri olub.

Görüş zamanı universitetin Məzun koordinasiya və karyera şöbəsinin müdiri Könül Əsgərova qonaqlara universitetdə mövcud olan təhsil imkanları, tələbələrin inkişafına yönəlmiş layihələr və gələcək karyera perspektivləri barədə məlumat verib.

Kitabxana-İnformasiya Mərkəzinin direktoru Zinharə Həsənova tələbələrə kitabxananın fəaliyyəti, zəngin kitab fondu və müasir xidmət imkanları barədə ətraflı məlumat verilib. Z.Həsənova kitabxananın elmi və tədris prosesində mühüm rol oynadığını vurğulayaraq, tələbələr üçün yaradılmış müasir şərait və informasiya resurslarından söz açıb.