https://innews.az/uploads/news/2026-03/_innews_1c5485bfd2d5f7568bef461f9_o.jpg
Azərbaycan Respublikası Gənclər və İdman Nazirliyi və Azərbaycan İdman Akademiyasının birgə təşkilatçılığı ilə “İdman həftəsi” çərçivəsində Akademiyanın professor-müəllim heyəti və əməkdaşlarının iştirakı ilə nərd yarışı keçirilib.
Yarış şəxsi formatda, olimpiya sistemi üzrə təşkil olunub. Oyunlar nərd növü üzrə AMİNA-dan hakimlik dərəcəsi almış Fərdi idman növləri kafedrasının əməkdaşları tərəfindən idarə edilib.
Yarışda 24-ü kişi, 8-i qadın olmaqla ümumilikdə 32 nəfər iştirak edib. Kişilər arasında keçirilən mübarizənin nəticələrinə əsasən Fərdi idman növləri kafedrasının baş müəllimi Mehman Nəcəfov I yerə layiq görülüb. Həmin kafedranın baş müəllimi Xəyyam Orucov II yeri, tələbələrlə iş üzrə prorektorun müşaviri Arif İbrahimli isə III yeri tutub.
Qadınlar arasında ən yaxşı nəticəni Komanda idman növləri kafedrasının dosenti Tərlan Məmmədova göstərib.
