https://innews.az/uploads/news/2026-03/_innews_bede1a476bc240a295db909c6_o.jpg
Azərbaycan İdman Akademiyasının əməkdaşları Təhnəgül Qurbanova və Lamiyyə Hüseynova Orhun Mübadilə Proqramı çərçivəsində 22–28 fevral tarixlərində Türkiyənin Fırat Universitetinə səfər ediblər.
Akademiya əməkdaşları universitetin prorektoru prof.dr. Mahmut Doğru, Spor Bilimleri fakültəsinin dekanı prof.dr. Sərdar Orhan, Erasmus proqram koordinatoru prof.dr. İzzet Taşar, Orhun Mübadilə Proqramının koordinatoru dr. Süheyla Demirkol Orak, İdman menecmenti proqramının rəhbəri prof.dr. Eyyup Yıldırım, eləcə də bir sıra professor-müəllim heyəti ilə görüşüblər.
Akademiya nümayəndələri Fırat Universitetinin tələbələri üçün ixtisas istiqamətləri üzrə seminarlar keçərək öz təcrübə və biliklərini bölüşüb, onların suallarını cavablandırıblar. Universitetin tələbələri üçün ixtisas istiqamətləri üzrə seminarlar keçiriblər. Müasir tədris yanaşmaları və praktiki təcrübə ilə bağlı təqdimatlar edilib, qarşılıqlı fikir mübadiləsi aparılıb və tələbələrin sualları cavablandırılıb.
Qeyd edək ki, səfər hər iki ali təhsil müəssisəsi arasında elmi və akademik münasibətlərin daha da inkişafına töhfə verməyi hədəfləyir.
