Professor Haydar Demirel İdman Akademiyasında keçirilən seminarı yüksək qiymətləndirdi

Professor Haydar Demirel İdman Akademiyasında keçirilən seminarı yüksək qiymətləndirdi Professor Haydar Demirel İdman Akademiyasında keçirilən seminarı yüksək qiymətləndirdi https://innews.az/az/news/id-59240

Azərbaycan İdman Akademiyasının Elmi-tədqiqat mərkəzinin və Tələbə Elmi Cəmiyyətinin (TEC) birgə təşkilatçılığı ilə 5 mart – Bədən tərbiyəsi və idman gününə həsr olunmuş elmi seminar keçirilib.

Seminarda TEC-in fəal üzvləri – “Kütləvi sağlamlaşdırıcı idman” ixtisasının I kurs tələbəsi Ənvər Hüseynli, “Ümumi fiziki hazırlıq” ixtisasının I kurs tələbəsi Vahid Axundlu və həmin ixtisasının II kurs tələbəsi Sərxan Salahov “Müasir idmanda yarışa hazırlığın elmi əsasları” mövzusunda təqdimatla çıxış ediblər.

Təqdimatlarda müasir idmanda elmi yanaşmanın rolu, yarışa hazırlıq prosesinin əsas prinsipləri, fiziki və psixoloji hazırlığın qarşılıqlı əlaqəsi, həmçinin məşq prosesinin planlaşdırılmasının əhəmiyyəti haqqında ətraflı məlumat verilib.

Elmi seminarın fəxri qonağı – Yaxın Şərq Universitetinin professoru Haydar Demirel seminarı yüksək qiymətləndirib. Seminar iştirakçılar tərəfindən maraqla qarşılanıb, mövzu ətrafında fikir mübadiləsi aparılıb.

Sonda xatirə şəkli çəkdirilib.