https://innews.az/uploads/news/2026-03/_innews_40cafb2ec58f9b7b3b221fe17_o.jpg
Azərbaycan İdman Akademiyasında “Elmi müzakirə saatı” layihəsi çərçivəsində pedaqogika üzrə elmlər doktoru, professor Dilqəm Quliyev “Azərbaycan İdman Akademiyasının veteran qadın idmançıları” mövzusunda təqdimatla çıxış edib.
Məqsəd 5 mart — Bədən Tərbiyəsi və İdman Günü, eləcə də Beynəlxalq Qadınlar Günü münasibətilə ASA-nın qadın idmançılarını bir araya gətirmək, onların uzun illər ərzində göstərdikləri fədakarlıq, idmanda ölkəmizi beynəlxalq arenada uğurla təmsil etmələrini vurğulamaq olub.
Məruzəçi Azərbaycanda qadın idmanının tarixi inkişaf yolu, Akademiyanın xanım məzunlarının idman sahəsində qazandıqları nailiyyətlər və onların ölkəmizi həm regionda, həm də qlobal səviyyədə uğurla təmsil etmələri haqqında məlumat verib. Bildirilib ki, veteran qadın idmançılar öz nailiyyətləri və zəngin təcrübələri ilə gənc nəsil üçün mühüm motivasiya və ilham mənbəyidir.
Sonda professor Dilqəm Quliyev iştirakçıların suallarını cavablandırıb, mövzu ətrafında ətraflı müzakirələr aparılıb.
