https://innews.az/uploads/news/2026-03/_innews_0c1714dcc464f8b1dd237a59e_o.jpg
Azərbaycan İdman Akademiyasının (ASA) təcrübəçi tələbələri 5 mart – Bədən Tərbiyəsi və İdman Günü münasibətilə Nərimanov rayonu, Milli Qəhrəman Rafiq Nəsrəddinov adına 39 nömrəli tam orta ümumtəhsil məktəbində VIII sinif şagirdləri arasında estafet yarışı keçiriblər.
Məktəbin direktoru Tahirə Şükürova yarışın əhəmiyyətini vurğulayıb və belə təşəbbüslərin həyata keçirilməsinə görə ASA-nın təcrübəçi tələbələrinə təşəkkürünü bildirib.
Sonra çıxış edən Akademiyanın təcrübəçi tələbələrinin fiziki tərbiyə üzrə metodisti, Fiziki hazırlıq kafedrasının baş müəllimi, pedaqogika üzrə fəlsəfə doktoru Müjkan Məmmədzadə məktəb rəhbərliyinə və fiziki hazırlıq müəllimlərinə ASA-nın tələbələri üçün yaradılan şəraitə görə minnətdarlığını ifadə edib.
Sonda qalib komandalara sertifikatlar təqdim olunub.
