https://innews.az/uploads/news/2026-04/_innews_3412b3d46cf9e83fb18a405ab_o.jpg
Mərkəzi Bank ilə Birləşmiş Millətlər Təşkilatının Ətraf Mühit Proqramının Maliyyə Təşəbbüsü (#UNEP FI) təşkilatı tərəfindən məsuliyyətli bankçılıq prinsipləri mözusunda cari ilin yanvar ayında keçirilmiş onlayn təlimin davamı olaraq risklərin idarə olunması və açıqlama çərçivəsinə həsr olunmuş ikinci sessiyası keçirilib.
Sessiya zamanı bank nümayəndələrinə ekoloji, sosial və idarəetmə (ESİ) risklərinin kredit və investisiya qərarlarının qəbul edilməsi proseslərinə inteqrasiyası, iqlim və dayanıqlılıqla bağlı digər risklərin idarə olunması, şəffaflıq və hesabatlılıq prinsipləri, eləcə də qabaqcıl beynəlxalq təcrübələr barədə ətraflı məlumat təqdim olunub. UNEP FI təşkilatının məsuliyyətli bankçılıq prinsiplərinin seçilmiş bankda tətbiq təcrübəsi səsləndirilib.
Qeyd edək ki, təlimin məqsədi Mərkəzi Bankın bank sektorunda ESİ risklərinin müəyyənləşdirilməsi, qiymətləndirilməsi və idarə olunması üzrə tənzimləyici çərçivəyə edilmiş son dəyişikliklərin tətbiqini dəstəklənmək, habelə beynəlxalq standartlara uyğun açıqlama və hesabatlılıq təcrübələri üzrə bilik və bacarıqların gücləndirilməsinə töhfə verməkdir.
