https://innews.az/uploads/news/2026-04/_innews_e4686a80fefefd7b45c45f220_o.jpg
Hədəf Şirkətlər Qrupunun Baş Direktoru və Hədəf Liseyinin qurucusu Şəmil Sadiq Hədəf Liseylərində istehsalat təcrübəsi keçən dövlət universitetlərinin sonuncu kurs tələbələri ilə görüş keçirib.
Görüşün əsas məqsədi gənclərə karyera imkanları, iş dünyasının tələbləri və şəxsi inkişaf yolları barədə dəyərli tövsiyələr vermək olub.
Tədbir zamanı Şəmil Sadiq uğura aparan yolun davamlı öyrənməkdən, dəyişən dünyaya uyğunlaşmaqdan və öz üzərində işləməkdən keçdiyini vurğulayıb. O, eyni zamanda öz karyera yolundan, bu mərhələyə hansı çətinliklərlə gəldiyindən və müəllimlik fəaliyyətinin onun həyatındakı rolundan danışıb.
İnteraktiv formada keçən görüşdə tələbələr öz suallarını ünvanlayaraq, onun şəxsi və peşəkar təcrübəsindən faydalanıblar. Eyni zamanda Hədəf Şirkətlər Qrupu və Hədəf Liseyinin gənclər üçün yaratdığı imkanlar və gələcək əməkdaşlıq perspektivləri də diqqətə çatdırılıb.
Sonda iştirakçılar bu görüşün onların gələcək planlarına aydınlıq gətirdiyini bildirərək, belə təşəbbüslərin davamlı olmasını arzuladıqlarını qeyd ediblər.
