https://innews.az/uploads/news/2026-04/_innews_adf193a0bfccb91a84927338c_o.jpg
Aprelin 10-da Azərbaycan Dövlət Pedaqoji Universitetində (ADPU) Tələbə Gənclər Təşkilatının (TGT) təşkilatçılığı ilə “Keçmişdən bu günə” adlı bədii-musiqili tədbir keçirilib.
Tədbirdə universitetin sosial və humanitar məsələlər üzrə prorektoru professor Fikrət Rzayev, professor-müəllim heyəti, tələbələr və qonaqlar iştirak ediblər.
Tədbirdə açılış nitqi ilə çıxış edən TGT-nin sədri Elmira Babayeva belə təşəbbüslərin tələbələrin yaradıcılıq potensialının üzə çıxarılması, milli-mədəni dəyərlərin təbliği və gənclərin estetik zövqünün formalaşdırılması baxımından əhəmiyyətini vurğulayıb. Qeyd olunub ki, bu kimi tədbirlərin keçirilməsi tələbə gənclərin asudə vaxtının səmərəli təşkili ilə yanaşı, milli irsin yaşadılması və gələcək nəsillərə ötürülməsi baxımından mühüm əhəmiyyət daşıyır.
Proqram çərçivəsində tələbələr tərəfindən Azərbaycan kinematoqrafiyasının klassik nümunələrindən səhnəciklər nümayiş olunub, retro üslubda musiqi nömrələri ifa edilib. Səhnələşdirilən çıxışlar və musiqi kompozisiyaları izləyicilər tərəfindən maraqla qarşılanıb.
Bədii-musiqili tədbirin xüusi qonağı – retro musiqilərin sevilən ifaçısı müğənni Telman Budaqov çıxışı ilə tədbirə xüsusi rəng qatıb, ifa etdiyi mahnılarla iştirakçıların böyük rəğbətini qazanıb.
