https://innews.az/uploads/news/2026-04/_innews_7d2c0031b0cc7a7dc99bf80ca_o.jpg
9-10 aprel tarixlərində Azərbaycan Dövlət Pedaqoji Universitetinin Elmi-Tədqiqat Mərkəzi (ETM) Şamaxı filialında “Pedaqoji kadr hazırlığında müasir təlim texnologiyalarının tətbiqi” layihəsinin icrasına başlayıb. Şamaxı filialında keçirilən dəyirmi masada filialın direktoru dosent Tünzalə Yusifova, sosial və humanitar məsələlər üzrə direktor müavini p.ü.f.d.Şəlalə Seyidova, Pedaqoji fakültənin dekanı Qahirə Şahbazova, ETM-in Tətbiqi tədqiqatlar bölməsinin müdiri dosent Gülşən Novruzova, böyük elmi işçi p.ü.f.d. Gülşən Mehdizadə, İbtidai təhsilin pedaqogikası kafedrasının müəllimi Günel Məmmədova, həmçinin filialın professor-müəllim heyəti iştirak edib. Dəyirmi masada layihə çərçivəsində qarşıda duran vəzifələr müzakirə olunub və təkliflər irəli sürülüb. Qeyd olunub ki, müəllim və tələbələr arasında aparılmış diaqnostik sorğular, sillabusların analizi, dərs müşa-hidələri və keçirilən metodiki təlimlər müəllimlərin bacarıqlarının inkişafına, peşəkarlığın artırılmasına, tədris prosesinin təkmilləşdirilməsinə, innovativ metodların tətbiqi ilə tədqiqat əsaslı dərslərin təşkilinə öz töhfəsini verəcəkdir.
Sonra dərs müşahidələri aparılıb, müəllim Günel Məmmədovanın nümunəvi dərsinin təqdimatı və müzakirəsi keçirilib.
Layihənin 2-ci günündə Gülşən Novruzova tərəfindən layihənin əsas ideyasını əks etdirən “Təfəkkürə əsaslanan dərsin təşkili üzrə mentor hazırlığı” mövzusunda təlim-seminar təşkil olunub. Seminarda tədris prosesində müasir təlim texnologiyalarının tətbiqi ilə bağlı aktual məsələlər geniş müzakirə edilib. Təlimin gedişində p.ü.f.d. Gülşən Mehdizadə müəl¬limlər arasındakı sorğuların nəticələrini diqqətə çatdırıb və müzakirəyə çıxarıb.
