“Bank of Baku” üçün ADA Universitetində II mini MBA proqramı başladı

“Bank of Baku” üçün ADA Universitetində II mini MBA proqramı başladı “Bank of Baku” üçün ADA Universitetində II mini MBA proqramı başladı https://innews.az/az/news/id-60695

Daim inkişafda olan “Bank of Baku” öz əməkdaşlarının peşəkar bilik və bacarıqlarının təkmilləşdirilməsinə xüsusi diqqət ayırır.

Belə ki, “Bank of Baku” və ADA Universiteti arasında imzalanmış əməkdaşlıq memorandumu çərçivəsində II mini MBA proqramına start verilib. Bankın 30-a yaxın rəhbər şəxsinin iştirak etdiyi bu proqram ADA Universitetinin İxtisasartırma Proqramı tərəfindən “Bank of Baku” əməkdaşları üçün xüsusi olaraq təşkil edilib.

Proqramın əsas hədəfi menecment bacarıqlarının təkmilləşdirilməsi, strateji düşünmə, effektiv qərar qəbul etmə, həmçinin müasir liderlik və kommunikasiya vərdişlərinin gücləndirilməsidir.

Ümumilikdə 10 moduldan ibarət mini MBA proqramı son illərdə bank sektorunda ilk dəfə “Bank of Baku” üçün təşkil olunub.

Hazırda 1000-dən çox əməkdaşın çalışdığı “Bank of Baku” insan kapitalını daim özünün əsas kapitalı olaraq vurğulayır və əməkdaşlarının davamlı inkişafı üçün beynəlxalq standartlara uyğun təhsil imkanları yaratmağa davam edir.