Red Bull Four 2 Score: Gəncə və Lənkəran milli finalçılarını seçdi, sıra Bakıdadır

Red Bull-un sürətli və dinamik küçə futbolu turniri Four 2 Score Azərbaycanda böyük coşqu ilə davam edir.

Lənkəran və Gəncədə keçirilən seçmə mərhələlərinin ardından milli finala ilk vəsiqələrini qazanan komandaların adları artıq məlum olub. Lənkəranda komandalar final yeri uğrunda qızğın mübarizə apardı: birinci yarımfinalda “Minionlar” komandası “Qartalı” 4:0 hesabı ilə məğlub etdi, ikinci yarımfinalda isə “Fırtına Lənkəran”- “Kənarmeşəni” 5:3 hesabı ilə üstələyərək milli finala adını yazdırdı. Beləliklə, Lənkəranı milli finalda “Minionlar” və “Fırtına Lənkəran” komandaları təmsil edəcək.

Gəncədə isə birinci yarımfinalda “Gold” komandası “Kürpool” üzərində 7:1 hesabı ilə inamlı qələbə qazanaraq milli finala yüksəldi, ikinci yarımfinalda “Mikrorayon” komandası FHN-i 2:1 hesabı ilə keçərək vəsiqə əldə etdi. Nəticədə Gəncəni milli finalda “Gold” və “Mikrorayon” komandaları təmsil edəcək.

Növbəti seçmə mərhələsi 1–3 may tarixlərində Bakıda keçiriləcək.

Milli final isə 9 may tarixində EGP Arena - Avropa Oyunları Parkında baş tutacaq.

Burada Bakı, Gəncə və Lənkərandan seçilən namizəd komandalar Azərbaycanın ən güclü komandası olmaq və dünya finalına vəsiqə qazanmaq uğrunda mübarizəyə qoşulacaq.

Qalib komanda 29 avqust 2026-cı ildə Kanadanın Toronto şəhərində keçiriləcək Red Bull Four 2 Score Dünya Finalında Azərbaycanı təmsil edəcək.

Bakı- seçim mərhələləsi üçün qeydiyyatdan keçmək və Red Bull Four 2 Score ilə bağlı bütün yenilikləri izləmək üçün rəsmi səhifəyə keçid et: http://redbull.az/four2score