Dilarə Kazımovadan “Pul”a mistik baxış - VİDEO

Azərbaycanın tanınmış pop ifaçısı Dilarə Kazımova yeni layihəsi ilə yenidən diqqət mərkəzinə düşüb. Müasir səhnə performansları və fərqli yaradıcılıq üslubu ilə seçilən sənətçi bu dəfə “Pul” adlı yeni mahnısına çəkilən klipi təqdim edib.

Layihənin söz və musiqisi Nadir Nağd Pula məxsusdur. Mahnının aranjimanı Nadir Nağd Pul və Fidan Aliva tərəfindən hazırlanıb. Klip süni intellekt texnologiyaları vasitəsilə hazırlanıb. Layihənin AI vizuallaşdırılması İlkin İbrahimov (ilkintellekt) tərəfindən hazırlanıb. Ekran işinin rejissoru və ideya müəllifi isə Dilarə Kazımovanın özü olub.

Sənətçi açıqlamasında bildirib ki, “Pul” mahnısı mərhum müğənni Rəhim Rəhimli üçün xüsusi əhəmiyyət daşıyıb. Kazımovanın sözlərinə görə, Rəhim Rəhimli bu bəstəni onunla duet şəklində səsləndirməyi planlaşdırsa da, layihəni tamamlamaq qismət olmayıb. Müğənni mərhum sənətçinin arzusunu nəzərə alaraq mahnını virtual duet formatında təqdim edib.

Klipdə D.Kazımova “pul egregor” ( pul egregoru → insanların pula bağlı qorxu, ehtiras və asılılıq enerjisinin yaratdığı simvolik “sistem”) obrazında çıxış edərək insan və pul münasibətlərinə fərqli vizual interpretasiya təqdim edir. Layihədə cəmiyyətin pula yanaşmasının psixoloji və sosial aspektləri simvolik və fantastik səhnələrlə əks olunub. Sözügedən obrazda təqdim olunan sənətçi ekran işində fantastik vizuallar və cəsarətli səhnə həlli ilə diqqət çəkib.

“Pul” bütün musiqi platformalarında onlayndır.