https://innews.az/uploads/news/2022-11/_innews_7fda879639b4a2a5f591d5cea_o.jpg
Zəfər Günü münasibətilə Perunun paytaxtı Lima şəhərinin ən çox ziyarət edilən “Parque de la Reserva” mərkəzi parkında şəhər bələdiyyəsinin dəstəyi ilə musiqili fəvvarə və işıqlandırma nümayiş olunub.
Nümayiş zamanı parkın fəvvarələri xüsusi lazer işıqlandırma texnologiyası ilə Azərbaycanın dövlət bayrağının rəngləri ilə işıqlandırılıb, eyni zamanda fəvvarənin üzərində gecə boyu Azərbaycanın Vətən müharibəsindəki Qələbəsi, Bakıda təşkil olunmuş Zəfər paradı, işğaldan azad edilmiş torpaqlarda aparılan genişmiqyaslı bərpa işləri, “Xarı Bülbül” beynəlxalq musiqi festivalı, o cümlədən ölkəmizin tarixi, mədəniyyəti və incəsənəti barədə videoçarxlar nümayiş etdirilib və parka gələn yüzlərlə ziyarətçi tərəfindən maraqla izlənilib.
