https://innews.az/uploads/news/2026-06/_innews_16e28b992f3039b2c86e84437_o.jpg
Formula 1 Qatar Airways Azərbaycan Qran Prisi 2026-nı işıqlandırmaq istəyən KİV nümayəndələri link vasitəsilə Akkreditasiya Portalında qeydiyyatdan keçə bilərlər.
Media nümayəndələrindən qeydiyyatdan öncə linkə keçid edərək portaldan istifadə qaydalarının əks olunduğu İstifadəçi Təlimatı ilə tanış olmaları xahiş olunur.
Yarışlara qeydiyyat 10 iyun tarixindən etibarən start götürüb 17 iyul, saat 15:00-dək davam edəcək.
Natamam və ya 17 iyul tarixindən gec göndərilmiş müraciət formaları nəzərə alınmayacaq.
Qeyd edək ki, 24-26 sentyabr 2026-cı il tarixlərində baş tutacaq Formula 1 Azərbaycan Qran Prisi 2026 daxil olmaqla, FIA Formula 1 Dünya Çempionatında yer alan hər bir yarış üçün media nümayəndələrinin akkreditasiyası Beynəlxalq Avtomobil Federasiyası (FIA) və Formula One Management (FOM) şirkəti tərəfindən tənzimlənir. Yerli media nümayəndələrinin yarışa qeydiyyat prosesi Bakı Şəhər Halqası Əməliyyat Şirkəti (BŞH) tərəfindən icra olunur.
Akkreditasiya prosesi ilə əlaqədar əlavə məlumat əldə etmək istəyənlər (+99455) 206 45 60 nömrəsinə zəng edə və ya accreditation@bakugp.az email ünvanına yaza bilərlər.
Ən son xəbərləri səhifəmizdən də izləyin
