İsmayıllı DOST Evində maliyyə savadlılığı təlimi keçirilib

DOST İnklüziv İnkişaf və Yaradıcılıq Mərkəzinin İsmayıllı DOST Evi filialında həssas əhali qruplarından olan benefisiarlar üçün maliyyə savadlılığı mövzusunda maarifləndirici təlim təşkil olunub. Təlim “PAŞA Maliyyə Holdinqi”nə daxil olan “Bir” ekosistemi tərəfindən həyata keçirilib.

İnteraktiv formatda keçirilən təlim zamanı iştirakçılara maliyyənin düzgün idarə olunması, qənaət vərdişlərinin formalaşdırılması və səmərəli maliyyə planlaşdırılması ilə bağlı ətraflı məlumat verilib, benefisiarları maraqlandıran suallar cavablandırılıb.

Tədbir çərçivəsində qonaqlar benefisiarlarla birlikdə təsviri incəsənət və bədii oyma istiqamətləri üzrə təşkil olunan master-klaslarda da iştirak ediblər.