“İpək Yolu boyunca Yaşayan İrs”: UNESCO beynəlxalq foto müsabiqəsinə start verib

UNESCO tərəfindən “Youth Eyes on the Silk Roads” (“İpək Yoluna Gənc Baxışlar”) beynəlxalq fotoqrafiya müsabiqəsinin səkkizinci buraxılışına start verilib.

2018-ci ildən etibarən keçirilən müsabiqə gənclərə İpək Yolunun zəngin və ortaq irsini fotoqrafiya vasitəsilə təqdim etmək imkanı yaradır. Layihənin məqsədi mədəniyyətlərarası dialoqu, qarşılıqlı anlaşmanı və ortaq dəyərlərin təbliğini təşviq etməkdir.

2026-cı il müsabiqəsinin mövzusu “İpək Yolu boyunca Yaşayan İrs”dir. İştirakçılar İpək Yolu marşrutları boyunca formalaşmış ənənələri, mədəni və ritual təcrübələri, icmaların kollektiv yaddaşını yaşadan dəyərləri əks etdirən fotoşəkillər təqdim etməyə dəvət olunurlar. Müsabiqə gənclərə həm görünən, həm də daha az nəzərə çarpan mədəni irs elementlərini obyektiv vasitəsilə sənədləşdirmək və onların mədəniyyətlərarası dialoq, qarşılıqlı hörmət və dinc cəmiyyətlərin qurulmasındakı rolunu nümayiş etdirmək imkanı yaradır.

Müsabiqə barədə ətraflı məlumat və iştirak qaydaları ilə rəsmi internet səhifəsində tanış olmaq mümkündür:

https://unescosilkroadphotocontest.org