https://innews.az/uploads/news/2026-06/_innews_6b20dc0693e8dc3ef746e8a1e_o.jpg
15 İyun – Milli Qurtuluş Gününə həsr olunmuş Ənənəvi Oxçuluq Yarışı keçirilib!
Hədəf Şirkətlər Qrupu və AMİNA-nın birgə təşkilatçılığı ilə keçirilən ənənəvi Türk oxçuluğu üzrə Puta Yarışı Azərbaycan Respublikasının Dövlət Himninin səsləndirilməsi ilə başlayıb.
Tədbirin əvvəlində yarışın təşkilatçısı Elvin Əliyev çıxış edərək yarışın məqsədi və Türk oxçuluğunun milli-mənəvi dəyərlərimizin yaşadılmasındakı rolu haqqında iştirakçılara məlumat verib.
Daha sonra çıxış edən Hədəf Şirkətlər Qrupunun qurucu direktoru Şəmil Sadiq Türk oxçuluğunun xalqımızın tarixində mühüm yer tutduğunu vurğulayaraq bu irsin gələcək nəsillərə ötürülməsinin vacibliyindən danışıb.
Azərbaycan Milli İdman Növləri Assosiasiyasının üzvü Vasif Namazov da çıxış edərək Türk oxçuluğunun tarixi və yarış qaydaları barədə məlumat verib.
Yarışa qədər 40 günlük ödənişsiz oxçuluq təlimlərinin peşəkar məşqçilər tərəfindən keçirilib və yarışdan əvvəl iştirakçılar 3 sınaq atışı həyata keçiriblər. Daha sonra hər iştirakçı 5 yarış oxu ataraq öz bacarığını nümayiş etdirib.
10–15 yaş qrupu üzrə keçirilən yarışda nəticələr 50 xal üzərindən hesablanaraq qaliblər müəyyən edilib.
Mükafatlandırma mərasimində qaliblərə medal, sertifikat və pul mükafatları təqdim olunub.
Tədbir gənclərin Türk oxçuluğu irsinin tanıdılmasına və milli dəyərlərimizin gələcək nəsillərə ötürülməsinə xidmət edib.
Ən son xəbərləri səhifəmizdən də izləyin
