ADPU-da Türkiyə universitetlərinin professorları ilə görüş keçirilib

Azərbaycan Dövlət Pedaqoji Universitetinin (ADPU) Təhsil menecmenti kafedrasında Türkiyənin Çankaya Universitetinin professoru Buket Ağqoyunlu, Hacəttəpə Universitetinin professorları Səlahəddin Gelbal və Saləh Bardaqçı ilə görüş keçirilib.

Görüş zamanı qonaqlar ADPU ilə əməkdaşlıq çərçivəsində əldə olunan təcrübə və nəticələr barədə fikirlərini bölüşüblər. Təhsil menecmenti sahəsində aktual məsələlər ətrafında müzakirələr aparılıb, qarşılıqlı təcrübə mübadiləsi həyata keçirilib.

Tərəflər magistr hazırlığında müasir tendensiyalar, təhsil proqramlarının inkişaf perspektivləri və elmi-pedaqoji əməkdaşlığın genişləndirilməsi imkanları barədə fikir mübadiləsi aparıblar.

Görüşdə gələcək əməkdaşlıq istiqamətləri də müzakirə olunub.