https://innews.az/uploads/news/2026-06/_innews_ddf03ac989fe0f6e9f1a17fe0_o.jpg
2025 / 2026-cı tədris ilinin yekunlarına həsr olunan iclasda il ərzində görülən işlər, əldə olunan nəticələr və 2026 / 2027-ci tədris ili üçün strateji hədəflər geniş müzakirə olunub.
İclas çərçivəsində filialların akademik göstəriciləri, buraxılış və qəbul imtahanlarının nəticələri, sosial layihələr, valideynlərlə əməkdaşlıq, balabilgə dinamikası və növbəti tədris ili üçün inkişaf planları təqdim edilib. Tədrisin keyfiyyətinin yüksəldilməsi istiqamətində həyata keçirilən monitorinq və qiymətləndirmə prosesləri, KİQ, BİQ, dərs dinləmələri və akademik təhlillər iştirakçıların diqqətinə çatdırılıb.
Eyni zamanda İnsan Resursları, inzibati işlər, maliyyə, eSchool sistemi, həkim və psixoloq xidmətləri üzrə illik fəaliyyət hesabatları təqdim olunaraq növbəti tədris ili üçün prioritet istiqamətlər müəyyənləşdirilib.
İclas çərçivəsində Hədəf Liseylərinin icraçı direktoru Nizami Hüseynov müəllimlərin PKPD (Pedaqoji Kadrların Performans Dəyərləndirilməsi) üzrə nəticələrini açıqlayıb. 2025 / 2026-cı tədris ilində yüksək nəticələri ilə fərqlənən əməkdaşlar PKPD göstəricilərinə və ümumi fəaliyyətlərinə görə pul mükafatı və sertifikatla təltif olunublar.
Sonda Hədəf Şirkətlər Qrupunun baş direktoru Şəmil Sadiq çıxış edərək 2026 / 2027-ci tədris ili üçün planlaşdırılan yenilikləri, struktur idarəetmədə nəzərdə tutulan dəyişiklikləri və inkişaf strategiyalarını müəllim heyəti ilə bölüşüb, kollektivə yeni tədris ilində uğurlar arzulayıb.
Ən son xəbərləri səhifəmizdən də izləyin
