https://innews.az/uploads/news/2026-06/_innews_8a148053669bb53a4c689da91_o.jpg
Aydani Art Gallery-də insan yaddaşında dərin iz buraxan və incəsənətdə öz əksini tapan mühüm anlara həsr olunmuş “An” adlı kollektiv sərgi keçirildi.
Layihə yaradıcılıq ictimaiyyəti tərəfindən böyük maraqla qarşılandı. Sərgidə iştirak etmək üçün 300-ə yaxın müraciət daxil olmuşdu, lakin seçim mərhələsindən sonra ekspozisiyaya yalnız 16 rəssamın əsərləri daxil edildi:
Risalə Vəlizadə
Könül Mustafayeva
Tatyana Simonova
Şüayb Qaydarov
Baba Dadaşov
Nigar Qədiyeva
Nigar Qasınlı
Aysel Yusifova
Nuranə Mirəliyeva
Xədicə Həmidova
Aytac Aydəmirova
Könül Babayeva
Anastasiya Nesterenko
Arianna Putzu
Sabina Məmmədova
Şəbnəm Nəbiyeva
Sərginin açılış mərasimində Aydani Art Gallery-nin direktoru, rəssam Aydan Məmmədova, Azərbaycan Dövlət Mədəniyyət və İncəsənət Universitetinin baş müəllimi, rəssam MirAzər Abdullayev, rəssam Anar Şəmsi, həmçinin qalereyanın kuratoru və rəqəmsal rəssam Sevil Kərimova çıxış etdilər.
Ekspozisiyada müxtəlif texnika və janrlarda hazırlanmış 20-yə yaxın sənət əsəri nümayiş olundu. Sərgi müxtəlif bədii baxışlara və yaradıcılıq üslublarına malik rəssamları bir araya gətirərək müasir incəsənətin rəngarəngliyini nümayiş etdirdi.
Hər bir əsər "an" mövzusunu özünəməxsus şəkildə təqdim edərək emosiyaları, xatirələri, daxili hissləri və şəxsi hekayələri əks etdirirdi. Rəssamlar incəsənətin dili ilə tamaşaçını düşünməyə və əsərlərlə dialoq qurmağa dəvət edirdilər.
“An” kollektiv sərgisi yaradıcı ünsiyyət üçün mühüm platformaya çevrilərək rəssamları, sənətsevərləri və qalereya qonaqlarını bir araya gətirdi. Layihə bir daha göstərdi ki, incəsənət insan həyatının ən dəyərli anlarını qoruyub gələcəyə ötürmək gücünə malikdir.
Ən son xəbərləri səhifəmizdən də izləyin
