https://innews.az/uploads/news/2026-07/_innews_8034619d5cf1ec4394b5b2789_o.jpg
Red Bull Pəhləvana hazırlaşırsan? İda Matildanın məsləhətləri ilə yarışa bir addım öndə başla.
İda Matilda Stensqard (Ida Mathilde Steensgaard) Danimarkanı təmsil edən dünya səviyyəli peşəkar maneəli qaçış (OCR) idmançısıdır. Avropa çempionu və rəsmi Red Bull atleti olan İda həm də Red Bull Pəhləvan yarışının konseptual ideya müəlliflərindən biridir. Tədbir gününə az qalmış təcrübəli atlet iştirakçılar üçün öz qiymətli tövsiyələrini bölüşür.
İçərişəhərdən yaranan unikal konsept
İda Matilda keçən il Bakının İçərişəhər ərazisini gəzərkən böyük ilham aldığını bildirir. Qədim dar küçələr və tarixi arxitektura onda hərəkət və maneələri dəf etmək ideyasını yaradıb. O yarışın məhz bu enerjini əks etdirməsini istəyib. Red Bull Pəhləvan tarixi ənənələri və idman performansını bir məkanda birləşdirir.
Ida Matilda
© Red Bull
Yarış günü üçün doğru geyim və ayaqqabı
Yarış günü rahatlıq və hərəkət azadlığı yüksək nəticə üçün çox önəmlidir. İda Matilda tər və su saxlamayan yüngül və nəfəs alan geyimlərə üstünlük verməyi məsləhət görür. Ayaqqabı seçimi zamanı isə altlığı yaxşı tutuşa və stabilliyə malik modellər seçilməlidir. Çünki müxtəlif səthlərdə və maneələrdə tarazlığı saxlamaq üçün bu çox vacibdir.
Ida Matilda
© Christian Pondella / Red Bull Content Pool
Yarışdan əvvəlki son hazırlıq günləri
Starta az qalmış bədəni ağır məşqlərlə yormaq olmaz. Son günlərdə bol su içmək və zülal ilə karbohidrat balansı olan yeməklər yemək lazımdır. Yuxu rejimini qorumaq da əsas şərtlərdən biridir. Yarışa 2 gün qalmış tam istirahət günü etmək məsləhətdir.
Yarışdan 1 gün əvvəl isə yalnız 10–20 dəqiqəlik yüngül qaçış yetərlidir.
Maneələri itkisiz keçmək üçün yarış strategiyası
İda Matildanın ən əsas məsləhəti sürəti düzgün bölməkdir. İlk 200 metrdə sürətlə qaçsanız tutma gücünüzü erkən itirəcəksiniz. Maneələrdə sərbəst hərəkət edərək enerjiyə qənaət etmək lazımdır.
Əsas gücü məşq stansiyalarında və düz qaçış məsafələrində tətbiq etmək ən doğru taktikadır.
Yarışdan sonra bərpa prosesi
Finiş xəttini keçdikdən dərhal sonra bədəni bərpa etmək lazımdır. Bol su içmək və karbohidrat zülal tərkibli yemək yemək tövsiyə olunur. Növbəti günlərdə piyada gəzmək, üzmək və ya velosiped sürüşləri etmək əzələ ağrılarını azaldır. Bədəninizi dinləyərək tam bərpa olana qədər yüngül hərəkətlərlə kifayətlənməlisiniz.
İda Matilda
© Brian Ching See Wing / Red Bull Content Pool
Ən son xəbərləri səhifəmizdən də izləyin
