https://innews.az/uploads/news/2026-07/_innews_31cd2ff0c234f0e7ce3465a54_o.jpg
Uzun fasilədən sonra yaradıcılığına yeni nəfəs verən "Cahan" qrupu dinləyicilərinə yeni musiqi layihəsini təqdim edib.
"innews media" xəbər verir ki, kollektivin "Qonşudan qalma dala" adlı mahnısı və klipi artıq bütün rəqəmsal platformalarda yayımlanıb.
Mahnının sözləri Azər Şirinə, musiqisi Elçin Cəfərova məxsusdur. Aranjiman Taleh Ağayev, mix və mastering isə Tərlan Məmmədhüseynov tərəfindən hazırlanıb. Layihənin ideya müəllifi Rauf Sübhidir.
Vüqar Şəfiyevin prodüserliyi ilə ərsəyə gələn klip Qəbələ rayonunun Duruca kəndində lentə alınıb. Rejissor Aslan Qarayevin ekranlaşdırdığı layihədə Xəyal Elbəy, Elşən Salehli, Leyla Zakirova, Nubiyyə Mustafayeva, Fuad Mustafayev və Tavus Mustafayeva kimi aktyorlar rol alıblar.
Milli kolorit, yumor və ritmik süjeti ilə seçilən "Qonşudan qalma dala"nın dinləyicilər tərəfindən maraqla qarşılanacağı gözlənilir.
Ən son xəbərləri səhifəmizdən də izləyin
