https://innews.az/uploads/news/2026-07/_innews_8637cc0b893e9c4407717173a_o.jpg
Yunan-Roma güləşi üzrə olimpiya çempionu, Azərbaycan Güləş Federasiyasının vitse-prezidenti Fərid Mansurov bildirib ki, onların idman dövründə çətin olan şəraitdə Olimpiya çempionu olmağı bacarıb.
“Yığmada nə həkim var idi, nə də masajçı. Buna baxmayaraq, Olimpiya Oyunlarına hazırlaşır və uğur qazanırdıq”, – deyə Mansurov “PODKAT” layihəsinin qonağı olarkən qeyd edib.
Afina-2004 Yay Olimpiya Oyunlarının çempionu vurğulayıb ki, bugünki idmançıları hazırlıq üçün bütün zəruri şəraitlə təmin olunub və yüksək nəticələr əldə etmək üçün daha geniş imkanlara malikdir.
Müsahibə zamanı Mansurov ağır çəki dərəcələrində legionerlərin cəlb olunmasını da müsbət qiymətləndirib. Onun sözlərinə görə, onların iştirakı rəqabət səviyyəsini artırır və güclü sparrinq tərəfdaşlarının çatışmazlığı problemini həll etməyə kömək edir.
Tanınmış güləşçi əlavə edib ki, zədələr peşəkar idmanın ayrılmaz hissəsidir. O, həmçinin qeyd edib ki, Olimpiya çempionları üçün ən uğurlu yaş dövrü, adətən, 20–25 yaş aralığına təsadüf edir.
AFFA İcraiyyə Komitəsinin üzvü olan Mansurov ölkə klub futbolunda rəqabətin artdığını müsbət qiymətləndirib. Bununla yanaşı, o, Azərbaycan milli komandasının, xüsusilə Gürcüstan nümunəsində göründüyü kimi, qonşu ölkələrin yığmalarından geri qaldığını bildirib və azarkeşləri millidən qısa müddətdə böyük nəticələr gözləməməyə çağırıb.
Müsahibənin tam versiyasını bu keçiddən izləyə bilərsiniz:
https://www.youtube.com/watch?v=5RE5gtGRCkg
Ən son xəbərləri səhifəmizdən də izləyin
