https://innews.az/uploads/news/2026-08/_innews_8db141469afb18bf546dcab11_o.jpg
1990-cı illərdə Birinci Qarabağ savaşında acımıza biganə qala bilmədiniz, Türkiyədən yardıma gəldiniz.
O illər haqqında nə deyə bilərsiniz? - "Birinci Qarabağ müharibəsi başlamışdı. Azərbaycanın çətin günündə mən sadəcə müşahidə edə bilməzdim. Özüm Tokatlı olsam da həmin vaxt Qazi universitetində oxuyurdum, təhsilimi yarımçıq qoyaraq qardaşlarıma yardıma getməyə qərar verdim. Bütün şəxsi əşyalarımı tələbə yataqxanasındakı yoldaşlarıma payladım. Çünki bu yolun gedişi vardı, dönüşü olmaya bilərdi. Azərbaycan torpaqları uğrunda şəhid olmağı şərəf bilərdim özümə. Azərbaycanlı qardaşlarımın ağrısını, acısını ürəyimdə hiss edirdim, Azərbaycana gedib, savaşa qatıldım. Əsasən Tovuz rayonu istiqamətində döyüşlərdə iştirak etdim.
Bu foto da Tovuz şəhərinin içərisində çəkilib. Aşağıda oturanlardan soldakı mənəm, yanımda oturan İrşaddır, pandemiyada dünyasını dəyişdi. Ayaq üstə dayananlar isə Vüqar, Sədi, Müşfiq və Fərhaddır. Onlar da universitet tələbələri idi, Bakıdan savaşmağa gəlmişdilər. Türkiyədən gələnlər də çox idi, tək mən deyildim.".
Tovuz mənim rayonumdur, siz də Tovuz üçün canınızı, qanınızı verməyə hazır olmusunuz, buna görə sizə minnətdaram. -" Tovuz mənim də rayonumdur. " Bu cavabdan sonra nə veriləcək sual, nə də deyəcək söz tapmadım. Abit Öztürkə bir ömür minnətdarlıq hissi ilə qələmə aldım.
Günay Nəriman
Ən son xəbərləri səhifəmizdən də izləyin
