https://innews.az/uploads/news/2026-08/_innews_87a6c779c45fab69dbd08924d_o.jpg
Sentyabrın 13-də Dəniz Mall Ticarət Mərkəzinin qarşısındakı meydan gücün, sürətin, dözümlülüyün və komanda ruhunun sınağa çəkiləcəyi böyük fitnes arenasına çevriləcək.
Red Bull Gym Clash Bakıya qayıdır və yerli fitnes icmasının ən hazırlıqlı və iddialı nümayəndələrini yenidən bir araya gətirəcək.
Ötən il Azərbaycanda ilk dəfə keçirilən yarış 40-dan çox iştirakçını eyni meydanda topladı. Yüksək temp, tamaşaçıların enerjisi, son saniyəyədək davam edən gərgin mübarizə və nəticənin sona qədər açıq qalması ilk Red Bull Gym Clash yarışını yadda qalan idman hadisələrindən birinə çevirdi.
SENTYABRIN 13-DƏ MÜBARIZƏ YENIDƏN BAŞLAYIR.
Dəniz Mall qarşısındakı meydanda hər saniyə qələbəyə gedən yolda önəm daşıyacaq. Yorğunluq artdıqca iradə, mübarizə gərginləşdikcə isə komanda ruhu ön plana çıxacaq. Tamaşaçıların enerjisi yarışın yüksək tempi ilə birləşəcək, meydanda güclə yanaşı çeviklik, dözüm və sona qədər mübarizə aparmaq əzmi də sınağa çəkiləcək. Red Bull Gym Clash məhz bu qarşıdurmanın yaratdığı həyəcanla həm iştirakçılara, həm də tamaşaçılara yadda qalan yarış günü yaşadacaq. Burada heç kim tək qalib gəlmir.
Red Bull Gym Clash fərdi yarış deyil. Burada hər bir nəticənin arxasında bütün komandanın birgə səyi dayanır.
Hər komanda dörd iştirakçıdan, iki qadın və iki kişidən ibarətdir. Lakin dörd güclü idmançının eyni komandada yer alması qələbəyə zəmanət vermir. İştirakçılar bir birinin tempini hiss etməli, yükü düzgün bölüşdürməli, lazım olan anda məsuliyyəti üzərinə götürməli və yorğunluq artdıqca belə birlikdə irəliləməyi bacarmalıdırlar.
Yarışın gedişində hər bir hərəkət əhəmiyyət daşıyır. Bir iştirakçının verdiyi qərar, göstərdiyi əlavə səy və ya qazandığı bir neçə saniyə bütün komandanın yekun nəticəsini dəyişə bilər.
Sürət, güc və dözümlülük yarışın ayrılmaz hissəsi olsa da, qələbəyə gedən yolda həlledici olan komandanın birliyi və qarşılıqlı dəstəyidir.
BAKIDAN DÜNYA SƏHNƏSINƏ UZANAN YOL.
2025-ci ildə Red Bull Gym Clash-in Azərbaycan üzrə milli mərhələsinin qalibi “Vikings Hammer” komandası oldu. Bu qələbə komandaya Afinada keçirilən ilk Red Bull Gym Clash Dünya Finalında Azərbaycanı təmsil etmək və müxtəlif ölkələrin güclü komandaları ilə mübarizə aparmaq imkanı qazandırdı.
Bu il yarış meydanına yeni komandalar çıxacaq. Hazırlıq daha yüksək, rəqabət isə daha gərgin olacaq. Qarşıda Azərbaycanı beynəlxalq arenada təmsil etmək üçün yeni bir fürsət var.
Tədbirin təşkilinə göstərdiyi dəstəyə görə “PASHA Malls” rəhbərliyinə, yarışın daha geniş auditoriyaya çatdırılmasına verdiyi media dəstəyinə görə isə “CBC Sport” komandasına xüsusi təşəkkürümüzü bildiririk.
Red Bull Gym Clash Azerbaijan 2026 yarışında iştirak etmək istəyən komandalar üçün qeydiyyat artıq başlayıb.
Qeydiyyat link: https://www.redbull.com/az-az/events/red-bull-gym-clash-2026-07-03/
Tarix: 13 sentyabr 2026-cı il
Məkan: Dəniz Mall Ticarət Mərkəzinin qarşısındakı meydan
Ən son xəbərləri səhifəmizdən də izləyin
