"İnter"in Kortis Cons planı

“İnter” “Liverpul”un yarımmüdafiəçisi Kortis Consun transferi ilə bağlı danışıqları davam etdirir.

Milan klubu yaxın günlərdə 25 yaşlı futbolçu üçün “Liverpul”a 30 milyon avroluq rəsmi təklif göndərməyi planlaşdırır. İngiltərə millisinin üzvü "İnter"in əsas transfer hədəfi hesab olunur.

Daha əvvəl “Liverpul” yetirməsi üçün 40 milyon avro tələb edib. Bununla belə, Consun özü “İnter”ə keçməkdə qəti qərarlıdır və futbolçu artıq uzun müddətdir ki, bu transferə ilkin razılıq verib.

Kortis Consun “Liverpul”la müqaviləsinin müddəti 2027-ci ilin ortalarında başa çatacaq.