“Formula-1” Azərbaycan Qran-prisi: könüllülərin təlimləri davam edir

“Formula-1” üzrə Azərbaycan Qran-prisinin keçirilməsinə hazırlıq işləri çərçivəsində könüllülər üçün təlimlər davam etdirilir.

"innews media" xəbər verir ki, təlim prosesi ilə bağlı media nümayəndələri könüllülərin hazırlıq mərhələsini yaxından izləyiblər.

Təlimlər zamanı iştirakçılara yarışın təşkili, könüllülərin üzərinə düşən vəzifələr və müxtəlif situasiyalar zamanı görülməli işlər barədə ətraflı məlumat verilib.

Görüşdə Azərbaycanda “Formula-1” Qran-prisinin keçirilməsinin 10 illiyi münasibətilə Bakı Şəhər Halqasının könüllülük proqramının illər ərzində keçdiyi inkişaf yolu və əldə olunan nəticələr də diqqətə çatdırılıb.

Bildirilib ki, könüllülük proqramı gənclərə beynəlxalq səviyyəli idman tədbirində iştirak etmək imkanı yaratmaqla yanaşı, onların yeni bilik və bacarıqlar əldə etməsinə, müxtəlif ölkələrdən olan insanlarla ünsiyyət qurmasına və peşəkar təcrübə qazanmasına şərait yaradır.

Qeyd edək ki, “Formula-1” üzrə Azərbaycan Qran-prisinin 10 illik yubileyi sentyabrın son həftəsində qeyd olunacaq.

Azərbaycan Qran-prisi sentyabrın 24-26-da Bakıda keçiriləcək.