https://innews.az/uploads/news/2026-08/_innews_30936d8987bd61288fda7bb12_o.jpg
Azərbaycan musiqi aləmində özünəməxsus dəsti-xətti ilə seçilən İlkin Dövlətov dinləyicilərinə dərin fəlsəfi məzmuna malik yeni layihəsini təqdim edir. Sözləri və musiqisi ifaçının özünə aid olan "Xilaskar" adlı kompozisiyaya möhtəşəm ekran işi ərsəyə gətirilib.
YUNESKO-nun Ümumdünya İrsi Siyahısına daxil edilmiş Qobustan Milli Tarix-Bədii Qoruğu ərazisində çəkilən klip orijinal ssenarisi və simvolik süjet xətti ilə diqqət çəkir. Ekran işində iki fərqli obrazı elə İlkin Dövlətovun özü canlandırır.
Klipdə diqqət çəkən detallardan biri də müasir obrazın kitabçanı tapdığı kitabçada "Xilaskar" yazısını oxumasıdırç Bu kadrlar milli musiqi irsimizin zənginliyini, müasir dövrün ritmləri ilə qovuşmasını və gələcək nəsillərə ötürülən mənəvi estafeti simvolizə edir — müasir ifaçı keçmişdən güc alaraq mədəniyyətimizi qoruyub yaşatmaq missiyasını öz üzərinə götürür.
Vizual həlli ilə diqqət çəkən ekran işinin rejissorluğunu Nicat Nağızadə üstələnib. Maraqlı süjet xəttinin müəllifi və layihənin prodüseri Adil Rəkididir. Klipin kadrlarındakı işıq həllini Osman Ataşov, dinamik və estetik montaj işini Mirzə Dadaşov, rəng korreksiyasını (colorist) isə Elnur Yaquboğlu həyata keçirib.
Kompozisiyanın musiqi tərtibatı – aranjiman və mastering işləri Rabil Səfərliyə məxsusdur. Çəkiliş prosesinin icraçı prodüseri Eminquey Akifdir.
Layihənin ümumi istehsalı isə "Safarli Production" şirkətinə məxsusdur.
"Xilaskar" klipi artıq bütün rəqəmsal musiqi platformalarında və YouTube-da yayımdadır.
Ən son xəbərləri səhifəmizdən də izləyin
