https://innews.az/uploads/news/2026-09/_innews_5cf5354cb5dd2eb364eb328ee_o.jpg
Bu gün müasir Azərbaycan mətbuatında xüsusi yeri olan "Cebhe.info" Xəbər Portalı 11 yaşını qeyd edir.
1 sentyabr eyni zamanda, "Cümhuriyət” qəzetinin bir neçə illik fasilədən sonra yenidən nəşrə başladığı gündür.
Medianın təməl prinsiplərinə daim əməl edən "Cebhe.info" saytı 2015-ci ilin 1 sentyabrından fəaliyyətə başlayıb. Azərbaycanın xəbər məkanında özünəməxsus yer tutan saytda ölkəmizin ictimai, siyasi, sosial və mədəni həyatında olan yeniliklərlə bərabər, Güney Azərbaycanda, Qafqaz ölkələrində, habelə dünyada baş verən maraqlı xəbərlər oxuculara çatdırılır. Bundan başqa, saytda müxtəlif sahələrdən bəhs edən müsahibələr, təhlillər, reportajlar, müəllif yazıları, araşdırmalara xüsusi yer ayrılır.
"Cebhe.info" və "Cümhuriyət” qəzeti siyasi və sosial qruplara qarşı münasibətdə obyektivlik, tərəfsizlik və dəqiqlik prinsiplərindən çıxış etdiyinə görə sabit oxucular üçün gündəlik xəbər təminatçısıdır. Bu isə xəbər portalının həm də istinad mənbəyinə çevrilməsində xüsusi rol oynayır.
Bunlarla yanaşı, rəqəmsal məkanda artıq tanınan CebheTV də günün aktual mövzuları ilə tamaşaçılara xitab edir, maraqlı müzakirələrlə hər gün tamaşaçı qarşısına çıxır. Müasir xəbər məkanında özünəməxsus yeri olan hər üç media quruluşunun peşəkar kollektivi mövzulara, xəbərin təqdimatı, ölkə, xalq və dövlət üçün aktual məsələlərə yanaşma tərzi ilə seçilir, tanınır.
"innews" olaraq həmkarlarımızı təbrik edir, yaradıcılıq uğurları arzu edirik.
Ən son xəbərləri səhifəmizdən də izləyin
