“Sabah”ın Çempionlar Liqasındakı ev oyunlarının stadionu müəyyənləşib

“Sabah” futbol klubunun UEFA Çempionlar Liqasının əsas mərhələsində ev oyunlarını keçirəcəyi stadion müəyyənləşib.

UEFA-nın rəsmi saytına istinadən xəbər verir ki, Azərbaycan çempionu rəqiblərini Bakı Olimpiya Stadionunda qəbul edəcək.

Tarixində ilk dəfə Çempionlar Liqasının liqa mərhələsinə vəsiqə qazanan “Sabah” evdə İspaniyanın “Barselona”, Almaniyanın “Borussiya Dortmund”, İtaliyanın “Napoli” və Çexiyanın “Slaviya Praqa” klubları ilə qarşılaşacaq.

Bakı təmsilçisi səfərdə isə İngiltərənin “Arsenal” və “Mançester Yunayted”, İspaniyanın “Vilyarreal” və Norveçin “Vikinq” komandaları ilə üz-üzə gələcək.

“Sabah” Çempionlar Liqasının liqa mərhələsində ilk oyununu 10 sentyabrda səfərdə “Mançester Yunayted”ə qarşı keçirəcək.