https://innews.az/uploads/news/2026-09/_innews_085f325282aeb2f53f1043a47_o.jpg
Müğənni GÜLAY yeni layihəsini təqdim edib. Sənətçi “Vur ürəyim” adlı mahnısını klipi ilə birlikdə dinləyicilərin ixtiyarına verib.
Mahnının musiqisi Camal Qurbanova, sözləri Həsən Babayevə məxsusdur. Bəstənin aranjimanını da Camal Qurbanov hazırlayıb.
Yeni layihə üçün GÜLAYa üç fərqli obraz hazırlanıb. Klipin vizual konsepsiyasının ərsəyə gəlməsi üçün böyük yaradıcı komanda cəlb olunub.
Ekran işinin rejissorları ZEYN və İlahə Məhərrəmdir. Operator işi Emil Marbiora, art-direktor işi Fərid Cabbarlıya məxsusdur. GÜLAYın obrazlarının staylinqini Elnara de Birbuet hazırlayıb.
Sənətçinin obrazı üzərində makiyaj üzrə Günel Ağacanova, saç üzrə isə Günel Məmmədova çalışıb. Layihənin fotosessiyasını Eresmoon həyata keçirib.
“Vur ürəyim” layihəsinin prodüseri Tural Nəbiyevdir.
Ən son xəbərləri səhifəmizdən də izləyin
