Elton Salim “Öz Diyarım” adlı ilk klipini təqdim etdi - VİDEO

Elton Salim yeni layihəsini təqdim edib. “Səs Azərbaycan” layihəsi ilə tanınan sənətçi “Öz Diyarım” adlı ilk ekran işini dinləyicilərin ixtiyarına verib.

"innews media" xəbər verir ki, Mahnının sözləri və musiqisi Elton Salimə məxsusdur. Bəstənin mix və mastering işlərini Ali Rüstəmbəyli həyata keçirib.

“Öz Diyarım” layihəsinin klipində Asya Safar yer alıb. Ekran işində mahnının emosional xəttini tamamlayan fərqli vizual yanaşmadan istifadə olunub.

Yeni layihədə Elton Salim həm ifaçı, həm də müəllif kimi çıxış edir. “Öz Diyarım” iki insanın ayrı dünyalarından, münasibətlərdə yaranan məsafədən və tərəflərin hələ də bir-birindən gölədiyi addımdan bəhs edir.

Mahnının əsas xəttini “Sənin öz diyarın, mənim öz diyarım” fikri təşkil edir. Ekran işi boyunca münasibətin taleyini qarşı tərəfin qərarına buraxan bir qəhrəmanın hekayəsi təqdim olunur.

“Öz Diyarım” Elton Salimin yaradıcılığında yeni mərhələnin başlanğıcı kimi diqqət çəkir. Sənətçi bu layihə ilə yalnız ifaçı deyil, həm də müəllif və yaradıcı tərəfini nümayiş etdirir.

"Öz Diyarım" bütün musiqi platformalarında əlçatandır.