Yaşar Nurinin 75 illik yubileyi “Dəli yığıncağı” tamaşası ilə qeyd olunub

Akademik Milli Dram Teatrında Azərbaycan Respublikasının Mədəniyyət Nazirliyinin görkəmli incəsənət və ədəbiyyat xadimlərinin yubileylərinin keçirilməsi haqqında tədbirlər planına əsasən Xalq artisti, görkəmli sənətkar Yaşar Nurinin 75 illik yubileyi münasibətilə anım tədbiri keçirilib.

Tədbirdə çıxış edən Xalq artisti İlham Namiq Kamal, Xalq artisiti Firəngiz Mütəllimova, Əməkdar incəsənət xadimi, professor İlham Rəhimli görkəmli sənətkarın Azərbaycan teatr və kino tarixində yaratdığı obrazlar haqqında danışıb, teatr sənətinin inkişafındakı böyük xidmətlərindən bəhs ediblər.

1978-ci ildə Xalq artisti Yaşar Nurinin Sərsəm Salman rolunda çıxış etdiyi Cəlil Məmmədquluzadənin eyniadlı əsəri əsasında “Dəli yığıncağı” tamaşası nümayiş olunub. Tamaşanın quruluşçu rejissoru Əməkdar incəsənət xadimi Bəhram Osmanov, bəstəkarı Xalq artisti Siyavuş Kərimi, rəssamı Xalq rəssamı Nazim Bəykişiyev, işıq üzrə rəssamı Rafael Həsənov, rejissor assistenti Nərmin Həsənovadır. Tamaşada səhnə hərəkəti və plastika Ceyhun Dadaşova məxsusdur.

Unudulmaz sənətkarımız Yaşar Nurinin əziz xatirəsini dərin hörmət və ehtiramla yad edirik.