Samira Efendi Zaqrebdə Azərbaycan musiqisi gecəsində çıxış edib

Xorvatiyanın paytaxtı Zaqrebdə, Vatroslav Lisinski Konsert Kompleksində Azərbaycan musiqisi gecəsi keçirilib.

"innews media" xəbər verir ki, müğənni Samira Efendi gecədə üç mahnı ifa edib. Sənətçi Əməkdar incəsənət xadimi, bəstəkar Vaqif Gərayzadənin "Ey mənim dünyam", Cennifer Hudsonun "One Night Only" və Xorvatiyanın "Avroviziya 1998" mahnısı olan "Neka mi ne svane" əsərlərini səsləndirib. Səhnədə sənətçini Xalq artisti Ənvər Sadıqov və Əməkdar artist Emil Əfrasiyab müşayiət edib.

Proqramda Samira Efəndi ilə yanaşı Xalq artistləri Tünzalə Ağayeva, Ənvər Sadıqov, Əməkdar artist Emil Əfrasiyab və müğənni Elnur Hüseynov da çıxış ediblər.

Gecəni mədəniyyət naziri Adil Kərimli, Azərbaycanın Xorvatiyadakı səfiri Anar İmanov, Hökumətlərarası Birgə Komissiyanın 4-cü iclasının iştirakçıları və Zaqreb ictimaiyyətinin nümayəndələri izləyiblər.