https://innews.az/uploads/news/2026-10/_innews_41d84ffdc148bf890a3bd2c9b_o.jpg
Azərbaycan Dövlət Pedaqoji Universitetinin (ADPU) Azərbaycan tarixi kafedrasının müdiri dosent Naibə Əhmədovanın “Историографический обзор по истории Азербайджана второй половины XIX – начала XX века” (“XIX əsrin ikinci yarısı – XX əsrin əvvəllərində Azərbaycan tarixinə dair tarixşünaslıq icmalı”) adlı elmi məqaləsi Scopus beynəlxalq elmi bazasında indekslənən, History kateqoriyası üzrə Q1 kvartilinə daxil olan jurnalda dərc edilib. Məqalədə XIX əsrin ikinci yarısı – XX əsrin əvvəllərində Azərbaycan tarixinin öyrənilməsində mühüm əhəmiyyət daşıyan mənbələr nəzərdən keçirilir, dövrün tarixşünaslığına dair ümumi icmal təqdim olunur. Tədqiqatda yeni kapitalist münasibətlərinin formalaşması ilə əlaqədar meydana çıxan arxiv sənədləri, məlumat kitabları, illik icmallar, fabrik və zavod müfəttişlərinin, eləcə də hökumət məmurlarının hesabat və sənədlərinin tarixi əhəmiyyəti diqqətə çatdırılır. Bununla yanaşı, dövrün mətbuatında, müxtəlif jurnallarda, illik məcmuələrdə və qəzetlərdə sənaye, ticarət, kənd təsərrüfatı, mədəniyyət və digər sahələrə dair əksini tapan məlumatların Azərbaycan tarixinin araşdırılması baxımından əhəmiyyəti vurğulanır. Linkə keçid edərək məqalə ilə tanış ola bilərsiniz.
Ən son xəbərləri səhifəmizdən də izləyin
