https://innews.az/uploads/news/2026-10/_innews_dc4d70808414ee3207abc7d6f_o.jpg
Mərkəzi Bankın İstehlakçılarla iş departamentinin direktoru Murad Məmmədov Əmək və Əhalinin Sosial Müdafiəsi Nazirliyinin (ƏƏSMN) tabeliyində Sosial Xidmətlər Agentliyinin təşkilatçılığı ilə əlilliyi olan şəxslərin bank xidmətlərindən istifadəsinə həsr olunan görüşdə çıxış edib.
O, Mərkəzi Bankın dəstəyi ilə maliyyə institutları ilə əməkdaşlıq çərçivəsində həyata keçirilən təşəbbüslər barədə iştirakçılara ətraflı məlumat verib. Eyni zamanda, bank sektorunda əlilliyi olan şəxslər üçün yaradılan imkanlar, onların bank xidmətlərindən rahat, əlçatan və müstəqil şəkildə yararlanması üçün mövcud şərait, xidmətlərin müyəssərliyinin daha da artırılması istiqamətində görülən işlər və bu sahədə qarşıda duran vəzifələr diqqətə çatdırılıb.
Görüşdə ƏƏSMN tərəfindən yaradılmış Monitorinq Komissiyasının və yardımçı işçi qrupun üzvləri, əlilliyi olan şəxslərin hüquqları sahəsində fəaliyyət göstərən qeyri-hökumət təşkilatlarının, Azərbaycan Banklar Assosiasiyasının və 20-yə yaxın bankın nümayəndələri iştirak edib.
Ən son xəbərləri səhifəmizdən də izləyin
