https://innews.az/uploads/news/2026-10/_innews_2a0a7a0eda2f33402659b7d71_o.jpg
Musiqinin və kitabın insan həyatında, mənəvi dünyanın formalaşmasında rolu olduqca böyükdür. Bəs kitab insanın daxili dünyasının səssiz təzahürüdürmü?
Yaxınlarda müğənni Şöhrət Məmmədovun “Öpüm nəfəsindən” adlı kitabı işıq üzü görüb. Kitabla bağlı müəlliflə əlaqə saxladıq.
Şöhrət Məmmədov musiqinin insanın mənəvi dünyasına təsirindən və kitabın həyatındakı əhəmiyyətindən danışıb.
Onun sözlərinə görə, musiqi könülləri fəth etmək, qəlbləri oxşamaq, mənəviyyatı qidalandırmaq, bəzən empatiya qurmaq, bəzən isə duyğulara şərik olmaq üçün mühüm vasitədir. Musiqi anlaşılan, hər kəsin dilindən düşməyən, ədəbli, mənəvi dəyərlərə söykənən, dilçilik və ədəbi normalara uyğun olmalıdır.
Şöhrət Məmmədov kitabı musiqidən daha üst səviyyədə dəyərləndirdiyini bildirib:
“Bunun bir üst səviyyəsi isə, məncə, kitabdır. Kitabsız yaşamaq mənə görə düşünə bilməyən, görə bilməyən, danışa bilməyən adamların arasında yaşamaq qədər sıxıcıdır. Onsuz da nə həyatımızda, nə də kitablarımızda axmaq adamlara heç nə öyrədə bilmirik. Ağıllı adamlar isə özləri öyrənirlər, yetər ki, bir vasitə olsun”.
Müəllif, həmçinin kitabı işıq üzü gördükdən sonra çox sevildiyini və müsbət rəylər aldığını qeyd edib.
Ən son xəbərləri səhifəmizdən də izləyin
